Аудандық «Жас Ұлан» бірыңғай балалар мен жасөспірімдер ұйымының ұйымдастыруымен «Үздік Ұланбасы - 2019» атты жасұландық ұланбасылар арасында өткізілген жарыста Намазбай Ақшабаев атындағы орта мектебінің 10 сынып оқушысы Таймас Айбек І орынды иеленді. 

Ардагерлерге  әлеуметтік және рухани көмек көрсету, оқушыларды қайырымдылыққа, отансүйгіштікке шақыру мақсатында Намазбай Ақшабаев орта мектебінде  «Қазақстан – мейірімділік мекені»  Республикалық балалар бастамасы жобасы аясында  «Жақсы істер жасауға асығыңыз!»  тақырыбында қарттарға көмек көрсету акциясы өткізілді. 

Намазбай Ақшабаев атындағы орта мектебінде директордың құқықтық тәрбие ісі жөніндегі орынбасары Ғ.Арымбаеваның және "Бозбала" ұлдар клубының жетекшісі Тұрсыналы Дулаттың ұйымдастырумен  "Жаман әдеттен аулақ болайық!"  тақырыбында 7-8 сыныптар арасында ұлдар  жиналысы өткізілді.

17-18 желтоқсан күндері Тараз қаласында өткізілген Республикалық  "Құс жолы"  балалар өнер байқауында Намазбай Ақшабаев атындағы орта мектебі домбырашылары бас жүлде иегері атанды.   

Намазбай Ақшабаев атындағы орта мектебі базасында дарынды жастарға шығармашылық тұрғыдан қолдау көрсету мақсатында  "Жаңа ғасыр таланттары"  Республикалық балалар мен жастар шығармашылық фестиваль-конкурсы өткізілді. Байқау қорытындысы бойынша мектебіміздің талантты оқушылары жүлделі орындарға ие болды: Ермахан Ер-әлі (бас жүлде), Насирова Айдана (І орын), Абдрахман Аягөз (І орын), Алғазы Нұрберген (ІІ орын), Сырлыбай Сымбат (бас жүлде), Гафуров Рамазан (І орын).

Намазбай Ақшабаев атындағы орта мектебі базасында 2018 жылдың 4 желтоқсаны күні оқушылардың қабілеттерін анықтау, зияткерлік бастамаларын жандандыру және шет мемлекеттер мен Қазақстан Республикасындағы жоғары оқу орындарына түсу гранттарының иегері атануына қолдау көрсету мақсатында Байзақ ауданы мектептерінің 9 сынып оқушылары арасында "IQanat" олимпиадасы өткізілді. Олимпиадаға аудан мектептерінен 232 оқушы қатысты. 

Намазбай Ақшабаев атындағы орта мектебінде 2018 жылдың 28 қарашасы күні  "Қыз өссе елдің көркі"  тақырыбында 8-11 сынып қыздары аралығында қыздар жиналысы өткізілді. 

Намазбай Ақшабаев атындағы орта мектебінде кәсіптік бағдар беру жұмыстары жоспарлы түрде жүргізіледі. Осы орайда, мектебіміздің 9 сынып оқушылары  "Тараз сервис және технология"  колледжіне барып қайтты. Колледжде оқушыларға оқытылатын мамандықтардың маңызы мен мәні туралы түсіндірме жұмыстары жүргізілді. 

Щучинск қаласында Грек-рим күресінен кіші жасөспірімдер арасында өткізілген Қазақстан Республикасының чемпионатында  мектебіміздің 9а сынып оқушысы Баянбердиев Сұлтанәлі ІІІ орын жүлдегері атанды.    

Жамбыл ауданы әкімдігі "Жастар ресурстық" орталығының ұйымдастыруымен Жамбыл ауданында облыстық пікірсайыс турнирі болып өтті. Турнир нәтижесінде мектебіміздің 10 сынып оқушысы Нұрмахан Береке мен Абдулхад Мариям І орынды иеленсе, Қани Алдияр "Үздік ойыншы" атанды.